钱程讲外国寓言(上下二册 )_钱程_9787544459136

钱程讲外国寓言(上下二册 )

定价：¥138

中教价：¥89.70 (6.50折）

库存数： 0

购买数量：

　　《上海方言读本：钱程讲外国寓言（套装上下册）》选择以世界著名的四大寓言家——6世纪希腊寓言家伊索、18世纪德国寓言家莱辛、17世纪法国寓言家拉封丹、19世纪俄国寓言家克雷洛夫的作品为主，尽量涵盖五洲四海世界各国的寓言作品，用上海话的思维方式来演绎，在传播经典文学作品的同事保护和传承上海话。《上海方言读本：钱程讲外国寓言（套装上下册）》配有彩图及音频光盘，适合青少年和儿童进行上海话的学习。

　　《上海方言读本：钱程讲外国寓言（套装上下册）》：
　　英国狐狸——献给哈尔威夫人哈尔威夫人有一颗善良格心，伊通情达理善解人意，至于其他种种优点，真是讲也讲勿光。
　　伊有十分高尚格心灵，具有诚恳待人格素质。伊格性格豪放爽朗注重友情，勿顾政治上格风云变幻搭当权者格阻挠，迭个一切侪让大家大加赞赏。但是伊觉着迭些根本勿算啥，赞扬搭夸奖让伊觉着烦恼。所以，上面格赞美既朴实又简短。
　　哈尔威夫人出生勒英国。英国人以思想深邃著称。迭个一点完全可以从伊拉格精神搭气质浪看出来。
　　伊拉经验丰富，深入研究各个学科领域，对科学王国格各种门类进行了全面格了解搭考察。勿需要再对夫人讲啥奉承闲话，英国学者研究出格科学成果老有效果，已经远远超过了同时代格其他国家。即使是英国格狗，好像也比法国格狗鼻头要灵。伊拉格狐狸也更加狡猾，下面就举一只例子来证明一下。
　　为了逃命，一只狐狸耍了一个花招。伊拨拉几只嗅觉灵敏格猎狗追得无路可逃，就勒拉穷途末路格辰光，伊跑到一只绞刑架下头——迭搭有交关被捉牢格动物，侪是一些做坏事体格家伙，譬如讲猫、狐狸、猫头鹰……侪吊勒了绞刑架浪，向过路人示众。
　　迭只狐狸深感大难临头，已经没地方好迓了，就混进迭眼拨吊煞格动物里向。迭个家伙就像拨罗马军队穷追勿舍格西班牙迦太基统帅阿尼巴一样，用了一个金蝉脱壳计，让敌人失去了追踪格目标。
　　一些训练有素格猎狗跑到绞刑架旁边，觉着有点蹊跷，勒拉绞刑架周围乱叫起来。伊拉格主人对猎狗叫停——伊还没看出狐狸装死格伎俩。猎人自言自语格讲：“迭只坏家伙是勿是钻到地洞里去了？我格狗老是对绞刑架乱叫，架子浪还挂了介许多‘社会名流’睐！”应该到嗳面去看看叫，迭只糗货色是勿是迓勒里向。
　　跟牢狗格叫声，猎人到绞刑架里去寻找失踪格狐狸。
　　迭个辰光，迭只狐狸勒拉绞刑架浪假痴假呆挂勒嗨，伊以为迭趟又可以像老早一样，搞点小花头就好滑脚了，但是伊格算盘拨错脱了，伊还是拨猎人捉牢送了小命。
　　迭个是一桩真格事体，告诉阿拉做事体需要经常变化策略。
　　猎人为了自身安全，是绝对勿会假装吊煞挂勒绞刑架浪格。迭个倒勿是因为伊笨想勿出迭个办法。
　　愿望勒拉古代格蒙古帝国，有一种精灵，做着平庸格事体，伊拉做家务，打扫房间，还兼管花园。假使侬要插手迭眼生活，保证弄得一天世界。
　　其中有只精灵，老早勒拉印度恒河附近帮一家小康人家管理花园。伊做生活蛮老鬼（音：居），平常又勿大响，热爱主人一家门，还特别欢喜嗳只花园。
　　精灵格朋友风神，也常常得到伊无私格帮助。再加上精灵本身格生活也蛮好，主人斜气满意。
　　尽管精灵格个性搭伊同伴一样轻盈飘忽，但是其他精灵出于妒忌，还是勒拉背后开坏伊。精灵们格主管出于某种考虑，就拿伊调到了别个地方，分到挪威最北面，去照料一栋常年拨白雪覆盖格房子，让伊一记头从印度人变成了北欧拉芬尼人。
　　动身之前，精灵对主人讲：“我现在勿晓得犯了啥格错误，头头硬劲逼牢我要搭□（chi）分开。现在我搭□（chi）登勒一道格辰光越来越少了，长一点一个号头，短点一个礼拜，□（chi）勒拉迭段辰光里向要是有啥个愿望，我会满足□（chi）格要求。不过，只好提三个愿望，勿可以多。” 主人夫妻提出第一个愿望就是发财。
　　果然一把把格金子装满了箱子、钱柜。

你还可能感兴趣

我要评论

您的姓名	验证码：
留言内容